حصري على ليلة القمر كيف احمي نفسي من الاختراق

من طرف **SheKoOo** الإثنين يوليو 12, 2010 7:04 pm

السلام عليكم

دلاحظ ما شاء لله الاجهزة دتخترق هوايه الاميلات دتنباك بلمح البصر

يجي عراقي يخترق عراقي او مسلم والي يقهر الي اخترقه مكيف لان اخترق جهاز شخص

بيه خير روح منتدياك اجانب ينشر سيرفراته هناك

وكل يوم ينباك الف اميل

من وره عدم معرفه بامور الاختراق

اليوم موضوعي للاعضاء المبتدئين او بالاحرى الي ميعرفون شي

مثل ميكولون قطه مغمظه كلشي ميعرف

كم نصحه وحل لتجنب اختراق جهازك أو اميلك

تحب تسمعها وطبقها حب متسمعها هذا شي راجع الك بس حاول تقره الي راح اكتبه كله

حتى تعرف شلون ديخترفون جهازك

شي اكيد اختراق الجهاز يصير عن طريق الماسنجر

مثلا ولد ديحجي ويه ولد

اكلك حبيبي بدون زحمه عليه بس شوفلي هاي الصور ليش متطلع

وينطي رابط ولله يستر بعدها

المهم

اول شي النصائح

1 / للمبتدء لتضيف اي شخص بماسنجرك حتى لو تعرفه لا تستلم دعوه

الا واثق منه استلم

2 / بحاله اذا ضفته بالماسنجر وتورطت شسوي ؟؟؟؟

أ / لا تحجي وياه محادثه صوتيه نهائيا لان عن طريقها راح يعرف الاي بي مالتك
وبعدين يكدر يتحكم بجهازك عن بعد

ب / لا تستلم منه اي ملف لان احتمال هذا الملف يكون ( سيرفر أو باتش )

وهذوله الاثنين ( السيرفر والباتش ) شنو هما ؟؟

الاثنين ملفين تنفيذيه يستخدمها الهكرز بزرع الغم بجهازك ومن تضغط عليه انته يشتغل اوتماتيك

ومتكدر تشوفه بجهازك واضح لان يكون داخل مجلدات النظام

وللعلم يكدر يغير امتداد الملف ( الباتش ) هذا exe الى scr او اي امتداد يحبه الهكرز

ويكدر هم يغير ايكونه الملف الى صورة ومتعرف بيها انته أو الى فلم او الى ايكونه بريد

3 / اذا انطاك الهكر على الماسنجر عنوان موقع بس مو اسم ارقام ينطيك مثل هذا

127.125.122.60

احتمال هذا الاي بي مالته

ومن تضغط عليه ينطيه الاي بي مالتك اوتماتيك بجهازه لاي ردت فعل

هسه الحلول

ويندوز اكس بي

بي ثلاث ثغرات ودائما هاي تكون مدخل الهكرز الجهازك

والاحسن تغلقون الثغرات هاي

الي يحب يغلقها يتبع الاتي

الثغره الاولى

تعتبر أحدى المداخل لاخطر للفايروسات وملفات التجسس

طريقه الغلق

1- لوحة التحكم control panel

2- خيارات المجلد folder options

3- أنواع الملفات file types

وهناك ابحثو عن :

ًWindows host setting file

واحذفوه على الفور

الثغره الثانيه

اسمها ( مشاركة ملفات بسيطة ) simple file sharing

بس تفعيلها مو بسيط بس خطيره هالثغره كلش

طريقه الغلق

1- خيارات المجلد folder options

2 - عرض view

3 - يجب إزالة علامة الصح من داخل المربع أمام :

(( مشاركة ملفات بسيطة مستحسن ))

(use simple file sharing) ((recommended

الثغرة الثالثة

اسمها : (( عدم حفظ الصفحات المشفرة إلى القرص ))

save encrypted page to disk

طريقه الغلق

1- لوحة التحكم control panel

ثم Network and Internet Connections

2- خيارات انترنت ineternet options

3- خيارات متقدمة advanced

4- وضع علامة صح داخل المربع :

(( عدم حفظ الصفحات المشفرة إلى القرص ))

don't save encrypted page to disk

ثم موافق.

واخر شي احب اكول شي مهم كلش

عند الضغط على (( إستعادة الإفتراضيات )) restore default

ترجع علامات الصح مرة ثانية .......

وكذلك الحال مع ثغرة (( مشاركة ملفات بسيطة )).

simple file sharing ---

مع تحيات ابـــواحـــلامـ